Habarika: VIDEO: ONE OVER ONE-DAPRO

Mtayarishaji wa muziki, muandishi na muimbaji wa muziki wa Bongo, DaPro, kwa mara ya kwanza ameachia ngoma yake mpya One over One iliyofanywa na Director Deo Abel chini ya usimamizi wa Sweseka production.

Da Pro ni mwanamuziki ambaye anachipukia kwa sasa na kibao chake kipya cha One over One, Habarika ilipata nafasi ya kuongea na Da Pro kuhusu safari yake ya mziki na kuhusu kibao hiki kipya.

"One over One ni ngoma yenye maudhui ya HipHop, ambayo inaongelea kumpenda msichana kwa mara ya kwanza, namaanisha first time unamwona binti alafu unamkubali, hii ni ngoma yangu ya kwanza tangu niingie kwenye tasnia ya muziki waa Bongo fleva" alisema Da Pro.

"Ngoma hii nimeiandika mwenyewe na kuitayarisha katika studio ambayo nafanyia kazi, inaitwa SB MUSIC, na Kuhusu swala la video nimefanya kwa Director Deo Abel sio maarufu lakini ni director ambaye naamini atakuja kuwa bora zaidi hapa Bongo" Aliongeza Da Pro.

Ni Video ambayo imekaa poa sana ukizingatia Director hana jina sana lakini kazi yake pia iko vizuri, kuanzia rangi iliyotumika ya Black and white, mandhari na kila kitu. Hii inaonyesha jinsi gani mziki wa Bongo unazidi kukua na Director wakali wengine wanakuja kuleta mapinduzi kwenye tasnia hii.