Habarika: PHILLS COLLINS ANARUDI UPYA KATIKA TASNIA YA MZIKI

Mwanamuziki mashuhuri ulimwenguni, Phills Collins ametangaza kurejea upya kwenye tasnia ya Muziki na kufanya ziara katika nchi tofauti Duniani.

Mwanamuziki huyo alifanya mahojiano na jarida la Rolling stone,ambapo alisema kuwa,

"Siko tena katika maisha ya kustaaf, Farasi ameshatoka nje na yuko tiyari kwa mbio" Alisema Phills collins kwenye jarida hilo.

Collins ni mmoja wa wasanii waliofanikiwa sana, na ni miongoni mwa wanamuziki tatu, pamoja na Paul McCartney na Michael Jackson, waliouza zaidi ya albamu 100 milioni duniani wakiwa kivyao na pia kwenye bendi.

Collins alishashinda tuzo Saba za Grammy, sita za Brit, moja ya Oscar na mbili za Golden Globes.

Phills mwenye umri wa miaka 64, alitangaza kuacha mziki ili kupata nafasi ya kulea vijana wake wawili.

Collins hajatoa albamu yoyote ya nyimbo mpya tangu ile ya Testify aliyoitoa mwaka 2002 ingawa aliongoza kwenye chati za muziki mwaka 2010 kwa mkusanyiko wa nyimbo za Motown kwa jina Going Back.