Habarika: BARACK OBAMA AMEFUNGUA KURASA YA FACEBOOK

Rais wa Marekani Barack Obama hatimaye amejiunga na Facebook, na ujumbe wake wa kwanza umekuwa ni wa kuhimiza watu kuchukua hatua kukabiliana na mabadiliko ya tabia nchi.
Hatua yake ya kujiunga na Facebook, mtandao wa kijamii wenye zaidi ya watumiaji bilioni moja, inaonekana kama juhudi za kiongozi huyo kuwafikia zaidi vijana na makundi mbalimbali ya watu.
Ikulu ya White House kwenye ukurasa huo wake imepakia video ya Obama akitembea katika eneo la South Lawn katika ikulu ya White House.

White House imesema inatumai Facebook itasaidia kama ukumbi wa kubadilishana mawazo.

“Ukurasa huu utawapa Wamarekani jukwaa la kubadilishana mawazo yao na Rais kuhusu masuala ambayo wanayajali sana,” amesema naibu mkurugenzi wa mkakati wa dijitali katika White House Kori Schulman.

Source:BBC